JEAN Baptiste Byumvuhore

Umunsi mwazutse

Iby’isi ni amayobera bagenzi

Kandi iby’isi ni amayobera bagenzi

Abantu barapfa bagaha abandi

Ibihe bigahora biha ibindi

Abahanga abakungu ari n’abatindi

I kuzimu ni ho inzira irangirira

Urupfu iyo rwaje guhitamo abarwo x2

Ari umwirabura cyangwa se umwera

Umugiraneza n’umugiranabi

Iyo urupfu rwaje ntabwo barurwanya

Bose bibagirana nk’umuyonga

Ko muzi se intare n’ingufu zayo

Mbe ko muzi intare n’ingufu zayo

Nyamara ikanga ikagenda nk’isazi

Inzovu n’inzoka ni kimwe byose

Ari n’abacura intwaro z’ibyorezo

Iyo urupfu rwaje bapfa nk’abahinzi

Umva umuntu araruha kuva akivuka

Kandi umuntu araruha kuva akivuka

Agakora imirimo akabira ibyuya

Akabona bamuha we ntatange

Urupfu rwaza akabisiga byose

I kuzimu ntawe ujyanayo impamba

Dore wica umuntu umuziza akamama

Kandi wica umuntu umuziza akamama

Benshi bapfuye bazize akamama

Kandi abapfuye ko atari bo ni nde?

Dore wica umuntu umuziza akamama

Ngo ntibukeye na we inkuba ikakwasa

Ugapfa ururenze urwo wamuhaye

Kandi nyabusa uzirikana urubanza

Uzaburana umunsi mwazutse

Benedata nimusubize amaso inyuma

Iby’isi ni ubusa nshuti murabibona

Kwiruka ku mafaranga nimubireke

Ririya zima ryanyu ba sha murireke

Uwatwaye iby’abandi nabibasubize

Ababisize bose na bo bari abagabox2

Peuple zaïrois,

Ba refugiés rwandais ba remercier mingi na ndege bayambaki bango,

Mingi bazalaki, kabolaki souffrance na bango succès

Balobi, vous êtes les bienvenues au Rwanda

Rwanda na Zaïre mboka moko

Zaïrois na rwandais, oza bandeko, na bwalele

Moto aye bandeko ya loso

Kiziba sema ngo

Bene data nimusubize amaso inyuma

Iby’isi ni ubusa nshuti murabibona

Kwiruka ku mafaranga nimubireke

Ririya zima ryanyu ba sha murireke

Uwatwaye ibyabandi nabibasubize

Ababisize bose na bo bari abagabo