JEAN Baptiste Byumvuhore

JEAN Baptiste  Byumvuhore

Uyisanga imbere

  Uyisanga imbere

 

 

Ubuzima, ubuzima                        Ubuzima bwiza cyane

Ubuzima uharanira                        Ubuzima ni burebure

Bwokabyara bwokagwira              Ni inshoberamahanga gusa gusa

Ubuzima, ubuzima                        ubuzima bwogaheka

Buradushukashuka budushuka      Buturyohera buturyoshya

Ugahinda ukavuduka                    ugahitana abantu n’ibintu

Ubuzima ubuzima                         

 

Mu buzima mu buzima                 Mu buzima ni uguhatana

Ukabihirika ibindi ubyegura          Imyaka igenda yiyongera

Ejo hashize ubu ni none               Ejobundi uzaba wibaza

Ukaziyibazaho cyane                   Kuko ibyahise burya byaje imbere

Iyumvire jye ngira nti:                   "Zirikana kandi uramenye"

Ubuzima ubuzima

 

R/ Kuko, Ineza ugira none na none               Uyisanga imbere iyongiyo

Inkunga utera abandi bana                          Uyisanga imbere iyongiyo

Urugwiro n’urukundo ukunda abandi            Ubisanga imbere iyongiyo

Amagambo uvuga none meza yose              Uyasanga imbere iyongiyo

 

Mu buzima ibyo ukora byose                Ni agasanguku ko kuzigama

Ni uruziga ruzenguruka                          Rukagusanga ukizenguruka

Ugahemukira wumva uhora                    Rwa ruziga rukazagaruka

Ukamwica ukumva umukize                   Ukazazira urumurenze

Ubuzima ubuzima                                  Ubuzima ni uruziga nyine

 

R/ Kuko, Inabi ugira none na none             Igutanga imbere ikarundira

Kurya kwanga gufasha abandi bababaye     Bigutanga imbere bikarindira

Urwango wanga abandi bana                     Rugutanga imbere rukarindira

Ubukobanyi n’amagambo mabi akuranga     Bigutanga imbere bikarindira

 

Ukabyita igitangaza                                         Uyisanga imbere na none

Ugeze aho uburaniye wayobewe

Wabuze uko wambuka rurya ruzi

Ngo ugere hakurya ubone kubaho

Hagahinguka undi mubyeyi

Ati jyamo nkwambutse databuja

Burya kera wampatse neza

 

 

R/ Kuko, Ineza ugira none na none               Uyisanga imbere iyongiyo

Inkunga utera abandi bana                          Uyisanga imbere iyongiyo

Urugwiro n’urukundo ukunda abadi              Ubisanga imbere iyongiyo

Amagambo uvuga none meza yose              Uyasanga imbere iyongiyo

 

Ukabyita ko ali umwaku

Ubona abantu batambuka

Batagusura mu nzu y’imbohe

Batakureba irihumbye ubabaye

Waba urembye ntibaguheke

Bikakuyobera ukamanjirwa

Hagahinguka undi mubyeyi

Ati burya kera warahemukaga

Wacaga imanza zimwe uzinyonga

Wasuzugura ukora ku bitaro

Wali suruveillant ukabuza igemuro

Lokodifensi urasa rubanda

Wali resicape utanga abantu

Kandi urenganya ali indamuko

Wali interasi urabamara

Wali mukota uzirikira inyuma

Ibisazi byawe ni iby’amaraso

Ihangane uhane abazaza

Wahoze uri rujigo ukarya imisoro

Wahoze uli gapita ukarya inyoroshyo

Warabafunze ubaziza ubwoko

Warabatoteje mupfa amahugu

Ihangane ubuzima ni ubwo

Ni uruziga ruzenguruka

 

R/ Kuko, Inabi ugira none na none             Igutanga imbere ikarundira

Kurya wanga gufasha abandi bababaye      Bigutanga imbere bikarindira

Urwango wanga abandi bana                     Rugutanga imbere rukarindira

Ubukobanyi n’amagambo mabi akuranga     Bigutanga imbere bikarindira

 

 

Wica abantu

Ufunga abantu

Utoba abayobozi

Ubaha rubanda

Usebanya cyane

Wimura imbago

Ufunga robine

Uhuguza abantu

Bicecekera

Kandi babona

Na we ubibona

Ntukosore

 

 



10/05/2013
1 Poster un commentaire

A découvrir aussi


Inscrivez-vous au site

Soyez prévenu par email des prochaines mises à jour

Rejoignez les 1332 autres membres