Umudiho non stop
Umudiho non-stop
Abasore b’i Gisenyi
Nibaza ndabagira nte?
Ndabasasira udusuna,
Agakangaga karahanda,
Aho tuzajyayo.
Ramba ramba ramba nzigira i Shyaka
Nzigira i Kigali mu basindi kwa Nyirabantu
Gira urare turazinduka tujya kumureba
Mbega wiriwe,
Nta mirirerwe na rubanda!
Na Kigali mu Bugesera,
Bwanacyambwe yose,
Bumbogo na Gasabo,
Kwa Nsoro Samukondo,
Aho tuzajyayo.
Marangara na Kabagali,
Ku ijuru rya Kamonyi,
I Remera ya Rukoma,
Mu Butansinda bwa Kigoma,
Ku Kivumu cya Mpushi,
Mu Nduga na Ndiza,
Aho i Runda na Gihara,
Kwa Mirenge ku Ntenyo,
Aho tuzajyayo.
Bwanamukare yose,
Mvejuru na Busanza,
Nyaruguru na Buhanga,
Mu mukindo wa Makwaza,
Ngo no kwa Nyagakecuru,
Aho tuzajyayo.
I Gikongoro mu Bufundu,
Bunyambiriri Buliza,
Ku nzira ijya Nyaruguru,
Aho tuzajyayo.
Umudiho non-stop (suite)
Aho i Shangi ya Kinyaga,
Twambuke u Bunyabungo,
Tugende tugere ku Ijwi,
Dusure na Katabirora,
Aho tuzajyayo.
Tuzamuke Rusenyi,
Dutambike Nyantango,
Mu Ishoba no mu Bwishaza,
Tuzagere no mu Budaha,
Aho tuzajyayo.
Tugende u Bugoyi bwose,
Kingogo n’u Burera,
Tegende u Mutara n’Indorwa,
Duhinguke mu Buganza,
Mu Gisaka kwa Kimenyi,
Aho tuzajyayo.
Inscrivez-vous au site
Soyez prévenu par email des prochaines mises à jour
Rejoignez les 1335 autres membres